समाज » झैँ झगडा गर्नेलाई रूखमा बाँधेर सजाय दिने निर्णय

झैँ झगडा गर्नेलाई रूखमा बाँधेर सजाय दिने निर्णय
मोरङ, साउन १४– गाउँमा बढ्दै गएको झैँझडामा रक्सी र लागुऔषध मुख्य कारण रहेको ठान्दै मोरङ राजघाट–८ चक्रेटोलवासीले लागुऔषध र रक्सी सेवन गरेर झँैझगडा गर्नेलाई गाउँमा १२ घण्टा बाँधेर आफँैले सजाय दिने निर्णय गरेका छन् । गाउँमा बढ्दो झँैझडालाई न्यूनीकरण गर्न सोमबार भेला भएको गाउँलेको बैठकले स्थानीय आमा समूहकी अगुवा बिमला पोमूको अध्यक्षतामा सुरक्षा समिति गठन गरेर दोषीलाई सोही समितिबाट कारबाही गर्ने निर्णय गरेका हुन् ।

Photo सन्दर्भका लागि मात्र

उनीहरुले गाउँमा रक्सी र लागुऔषध खाएर होहल्ला गर्नेलाई गाउँको मुख्य चौकमा रहेको ठूलो बरको रूखमुनि १२ घण्टा डोरीले बाँधेर सजाय दिने र आइन्दा होहल्ला गर्दिन भन्ने प्रतिबद्धता गराए छाड्ने निर्णय गरेको स्थानीय प्रभाति निमाविका शिक्षक मोहन चापागाईंले जानकारी दिए । गाउँलेले आफूले मिलाउन र कारबाही गर्न नसकेका घटना मात्र प्रहरी चौकीमा लाने निर्णय गरेका छन् । चक्रेटोल मोरङको उर्लाबारी नगरपालिकादेखि करिब चार किलोमिटर दक्षिणमा पर्दछ । रासस