समाचार, समाज » आगो ताप्दा आमा छोराको मृत्यु

काठमाडौँ, ३ पुस । आगो ताप्नका लागि कोठामा कोइला (बिक्रेट) बाली सुत्दा एकै परिवारका आमा छोराको मृत्यु भएको छ ।

 काठमाडौँ असनस्थित ज्याठा चौकमा डेरा गरी बस्ने भारतीय नागरिक राजाराम मल्लिकका ३२ वर्षीया श्रीमती शन्तुलता र निजका पाँच वर्षीय छोरा बादलको बुधबार मृत्यु भएको हो ।

बिहान काममा जानका लागि कोठामा बोलाउन जाँदा भित्रबाट चुकुल लगाएर ढोका बन्दकै अवस्थामा रहेको र ढोका ढकढ्काएर बोलाउँदासमेत धेरैबेरपछि मात्र राजारामले ढोका खोल्दा निजका श्रीमती र छोरा मृत अवस्थामा भेटिएको र राजाराम अर्धचेत अवस्थामा रहेको उनका साथी प्रदीप विशालले जानकारी दिए । रासस